قصيدة سنون الخشب

اخاف احجي وتكلي الناس ثرثار

واخاف اشكي خلص صبره يكولون

اذا احجي علضيمي واشرح الصار

نص من الحجي يضل بيه مدفون

انا البيه الوكت كل ساعه يندار

لاكن مادرت من درت العيون

اعاين علربع شو صارو زغار

وامس بالعين بالكوه يطبون

صبرت ومن عزت مابعت الاسرار

وناس شكد شفت بلسر يبيعون

بقفص وسنين عمري مكدره كدار

واغرد بلقفص ماجني مسجون

اتلكه الجرح ملكات خطار

ومااشكي الجرح للمايطيبون

واطول بلخلك ماكول محتار

علمني الصبر من اصبر تهون

موعيب من اصيرن كلي طشار

عيب الجنت الم بيهم يلمون

وموعيب من اشب وتلوحني النار

عيب الصارو امس بيه يطفون

وعودك لوذبل لتلوم الاوتار

ذب اللوم علجانو يسمعون

واذا وكتك خشب لتصير منشار

مرات الخشب هم يملك سنون

تقبلو تحياتي

بقلمي سعيد

موضوع: مشـ كور الأربعاء أغسطس 12, 2009 9:26 pm

[center]مشـ كور حبيبي علا هاي الائبيات الجميلة

وحيك من كل قلبي وئحي قلمك المبدك

ارجو ان تتقبل مروري

[ندعوك للتسجيل في المنتدى أو التعريف بنفسك لمعاينة هذا الرابط]

شكرا على مرورك