يكفيني فخر فرزنت الوجوه...وشفت ياهو الي وياهو العليه
شفت كلشي بحياتي اشكال والوان...وحملت هموم واهات واذيه
لكيت قلوب مامسهه الزعل يوم....ولكيت عقول متحجره وغبيه
غشاني الوكت بشعيط ومعيط....وانا ادري الاصابع موسويه
تيهت الرسن والدنيا مركاض...وكت خوف وشضيه تطك شضيه
افوجن بلصبر وتناوش الراك...واجلب بلصخر بثنين اديه
اصدك وامسح ادموع التماسيح....وارد اضحك جذب والبيه بيه
العمر جام وزماني يرامي حجار...وحياتك مو كسرت مزهريه
من كضك سموم الصيف بجاك... منو غيري وكف ونطاك فيه
كتلك لاتحط بلغربه رجليك....نزيزه الكاع وجدامك رخيه
كتلي العوز يكتل يشده البال....مايعرف فقير ولاخطيه
قاسمتك خبزتي وقلبي مرتاح...واحن لمسامرك صبح ومسيه
تبللني بنفط والدنيا شخاط....على جدحة عود تلكفني المنيه
اذا يوسف اخوته ابير ذبوه ...انت نكرت كل معنا الخويه
حسبتك تجازي الطيب بلطيب...وتكطر مستحه وغيرهوحميه
لاكصتك عركت وكت العتاب....ولاراويتني نجوم الثريه
شلون تريدني اجر الحبل مرتين...وانت اللي الدغتني لدغة الحيه
عركتنه انكضت والطايح يكوم...وخلي نشوف من بينه الضحيه
احط ترجيه بذنك قبل الوداع...وقبل لتروح اوصيك بوصيه
لاتاخذ حجي اليحجون وجهين....حجي الودوه الك جابوه اليه
موانا التحطني بين نابين...ولا انا الكبعت روحي برديه
عمرنا خلص سيناريو واحداث...ومشاهت من قصصنه الواقعيه
اناانطاني المخرج دور جلاد...والد اعدائي متهوم بقضيه
اذن من حقي امثل واقع الحال... وكمل كل فصول المسرحيه
تقبلوووو تحياتي اخوكم سعيد البدري
الرئيسية 
البوابة 
أحدث الصور 
ترجمة جوجل 
استمع للقرئان الكريم 
التسجيل 
دخول 
